بسمة وهبة: أوعى تتكسف تشتري ربع كيلو لحمة من الجزار خليك على قدك

أعربت الإعلامية بسمة وهبة عن استيائها من ارتفاع أسعار اللحوم، مشيرةً إلى أن هناك البعض من المواطنين لن يستطيع اللحوم والأضاحي هذا العام.

وقالت بسمة وهبة في برنامجها 90 دقيقة: عيد الأضحى بعد أيام وربنا يعيده علينا بالخير والبركة، وبثقافتنا كمصريين هو عيد اللحمة وكل الناس فيه بتتسابق عشان تضحي، ومش بس عشان السبب الديني بس عشان تدبح وتهادي بعض وتتصدق، وفيه ناس حرفيًا ومش ببالغ مبتعرفش طعم للحمة غير من العيد للعيد والكل بيتسابق في الخير، وخير عيد الأضحى هو خير الأضاحي.

وتابعت بسمو وهبة: بس للأسف السنة دي الوضع غير وبقى واضح كده ارتفاع أسعار اللحمة وفيه ناس مش هتقدر تضحي، مش هنقدر ننكر إن إحساس صعب على الناس اللي متعودة تدبح في العيد واللي في القرى والشوارع المحتاجة أنها تستنى عشان يدخل بيته 2 أو 3 كيلو لحمة من أهل الخير.

واستكملت بسمة وهبة موجهة رسالة للمواطنين: أوعى تتكسف أنك تشتري ربع كيلو لحمة خليك على قدك وواثق من نفسك ووفقًا للأرقام والاحصائيات مفيش إقبال على شراء الأضاحي السنة دي.

وأضافت بسمة وهبة معربة عن غضبها الشديد من التجار المغيرين في أسعار الأضاحي: عايزة أقول منهم لله.. اللي هما كل تاجر جشع كل صاحب مزرعة مش بيراعي ضميره، كل تجار أزمات الأعلاف وكل اللي لعبوا في سوق اللحمة وتسببوا في ارتفاع أسعار الأضاحي 3 أضعاف السنة اللي فاتت.. سرقوا فرحة الناس الغلابة بعيد اللحمة لأن المضاربات اللي عملوها وجشعهم اتسبب في رفع أسعار اللحمة بالشكل ده عارفة أن الأسعار غالية.

واختتمت بسمة وهبة: متقولوش العلف والدولار أنتم بتقعدوا تسمنوا في الخروف بتاعك وتحط له ملح في العلف ويوزن وتضحك على الزبون يا غشاشين يا كدابين.