ياسمين عز تتحدث عن سر جاذبية الرجل الأصلع

ياسمين عز، قالت الإعلامية ياسمين عز: "بعد زيارة جوارديولا لمصر اكتشفت إنه له معجبات في مصر بالملايين بس استوقفتني حاجة مهمة هي إيه سر جاذبية الرجل الأصلع؟ مفيش رجل أصلع مش جان ومش فتى أحلام لكثير من البنات".

الرجل الأصلع ضد الشيخوخة
وتابعت خلال برنامج “كلام الناس” المذاع على قناة “إم بي سي مصر”: "عندنا ناس كتير مشهورين هنا وبرة صلع، الرجل الأصلع ضد الزمن وضد الشيخوخة لا تجعيدة تظهر ولا تكشيرة في وشه ولا شعره هيفضل شباب العمر كله وأنتِ تشيخي إنما هو إكسير الحياة وبيلمع ومش انفعالي ولا هوائي حد تقيل في نفسه".

اقتصاد الرجل الأصلع وعدم خيانته لزوجته
وأكملت: "الرجل الأصلع اقتصادي جدًّا لا بيضيع وقته في حلاقة ولا في كوافير والفلوس دي يديهالك أنتِ، بني آدم مخلص لأبعد الحدود وشعره بيقع من كتر همه علشانك، ومش هتعرفي تقولي له أنت عرفت بنات بعدد شعر راسك، هو لا يخون لإن ما عندهوش شعر أصلًا، الرجل الأصلع مستقيم لا بيسهر ولا مبلط في ديسكو وهو مش بتاع ديسكوهات، من البيت للشغل ومن الشغل للبيت".

نصيحة ياسمين عز للفتيات
وأضافت: "لما شُفت المعجبات لـجواردويلا اتجوزي الرجل الاصلع وخدي منه النصيحة ربنا بيحبه والحياة معاه مريحة، وفيه جاذبية تجنن".