هشام عاشور يعلق على زواجه من نيللي كريم: الجوازة دي ضرّتني.. وهذا هو السبب؟

تحدث الفنان هشام عاشور على الانتقادات التي يواجهها مؤخراً بسبب عمله مع زوجته الفنانة نيللي كريم في رمضان 2023 الماضي في “مسلسل عملة نادرة“، بالإضافة إلى ظهوره معها في مسلسلها “روز وليلى“، وذلك خلال لقائه مع الإعلامية فاطمة مصطفى في برنامج الراديو 9090.

تحدث هشام عن حديث دار بينه وبين زوجته قبل زواجهما قائلا “قبل ما أتجوز نيللي قالتلي خلي بالك أنت ممثل تقيل بس فكرة إننا مع بعض هتحط عليك ضغط كبير، لأن الناس هتقارنك بيا وإحنا عارفين القصة دي من الأول، ولكن لما الناس تشوف فيا ممثل بجد وبأثر بطريقة معينة هيبتدوا يفصلوني عن نيللي ويبصولي بطريقة تانية”.

علق عاشور مازحًا “الجوازة دي ضرتني جامد.. أنا راجل بطل يعني فضلت 27 سنة بتمرن 8 ساعات في اليوم ومبفكرش في حاجة تانية، علشان كده بقت طريقة تفكيري دلوقتي بركز على التدريب في الحاجة اللي عاوزها، ومش برد ولا بسمع لأي كلام لحد ما أحقق طموحي”.