إزازة المياه بـ 200 جنيه.. جوري بكر تفتح النار على أسعار الساحل: قلة أدب وبيسرقوا الناس وهفضحهم

أعربت الفنانة جوري بكر عن استيائها الشديد من أسعار المطاعم في منطقة الساحل الشمالي، مشيرة إلى أن هناك استغلالا في الأسعار بشكل مبالغ فيها، معلقة: أنا مضايقة من اللي بيحصل في الساحل.. ولولا أن جوزي بيحب يروح هناك مكنتش جيت.

وقالت جوري بكر خلال ستوري على حسابها الرسمي بموقع تبادل الصور والفيديوهات انستجرام، قائلة: أنا بكره الساحل أو الأصح اللي بيحصل في الساحل، وأنا متضايقة من اللي بيحصل في الساحل، ولولا أن جوزي بيحب يروح هناك مكنتش جيت.

وأضافت جوري بكر: فيه قلة أدب بتحصل، وفيه ناس قليلة الأدب، وفيه قلة أدب في الأسعار، وفيه ناس ممكن تقولي ايه اللي وداكي، بس أنا مضطرة، وأنا الحمد لله راضية بس إيه الأسعار دي؟!.

جوري بكر من حسابها الرسمي بـ انستجرام

وأضافت: أنا أي مكان هدخله مش هيعجبني أسعاره هفضحه على السوشيال ميديا، لأن إنتوا حرفيا بتسرقوا الناس، عشان يومين تلاتة جايين ينبسطوا فيهم فيالا تعالى أستغلك وأطلع كل الفلوس اللي في جيبك، يعني إيه عيل صغير يروح يجيب إزازة مياه بـ 200 جنيه، هي مياه من الجنة !.

آخر أعمال جوري بكر

يعد مسلسل جعفر العمدة آخر أعمال جوري بكر، وعرض العمل في الماراثون الرمضاني الماضي لعام 2023، والعمل من بطولة محمد رمضان، هالة صدقي، إيمان العاصي، مي كساب، منة فضالي، وعدد آخر من الفنانين، والعمل من تأليف مهاب طارق ومحمد سامي وإخراج محمد سامي.