“اتجوزتني عشان تداري فضيحتك”| زوجة حسن شاكوش تثير الجدل.. بهذه التصريحات

كشفت ريم طارق، زوجة مطرب المهرجانات حسن شاكوش تفاصيل صادمة بخصوص علاقتهما سويا من خلال لايف لها عبر حسابها الشخصي بموقع تبادل الصور والفيديوهات “انستجرام”.

قالت ريم في اللايف، “بعد قضية التمكين أهل حسن شاكوش قالولي هتقعدي لوحدك وهنوريكي ومرضيش يديني هدومي حتى ايه هتلبسها يا حسن”.

أضافت ريم، “انت اتجوزتني عشان تداري مشكلة فيك وانت كنت عارف اني متجوزة قبلك سنة وكام شهر وجيت غنيت في فرحي ساعتها وشكرا ليك انت وطليقي عشان طلعتوني مريضة مانتا ممكن تعمل أي حاجة عشان تداري على عيب فيك”.

تابعت، “يابن الحلال زي مادخلنا بالمعروف نخرج بالمعروف واديني حاجتي كلها وعرفني إذا كنت طلقتني أو لا عشان أكمل في قضية الضرر”.

أردفت، “أنا مش بتاعة شهرة ولا بعمل كدا عشان أنزل الناس تتصور معايا ولما الموضوع ده يخلص هقفل الأكونت ده انت خلتني أخسر ثواب رمضان عشان كنت برضيك”.

أكملت، “أنا لقب مرات حسن شاكوش ده بقى تقيل عليا وأنا مش واحدة من اللي انت استخفيت بعقلهم عشان مليش ضهر”.

واختتمت حديثها قائلة: “كل اللي انت دوست عليهم باعتنلي فيديوهات ليك عشان أفضحك وانت عملتلي نفسك مجنون وأنا حاولت أرضيك وأستوعبك مكنتش أعرف حجم الغدر ده”.

وكان الخلاف بدأ بين شاكوش وزوجته بعد أقل من شهرين من زواجهما بسبب طرده لها من المنزل لتحرر ريم محضرا ضده.