رد غريب من حسن شاكوش على اتهامات طليقته ريم طارق بالخيانة

حرص الفنان حسن شاكوش على الرد على إتهامات زوجته ريم طارق ضده والتي أوضحت فيها أنها تعرضت للخيانة على يده مع فنانة شهيرة، وجاء ذلك عبر حسابه الرسمي على موقع التواصل الاجتماعي “فيسبوك”.

وخلال منشوره أكد شاكوش أنه لن يرد على هذه الإتهامات الغير صحيحة عنه، معبراً :”أنا كنت ساكت كتير، وأنا عمري في حياتي ولا جبت سيرة بنت ولا غلطت في حق بنت لأني عارف يعني ايه المرأة المصرية، وعارف يعني ايه شرف المرأة المصرية، وزي ما المرأة ليها شرف وكرامة بردو الرجل ليه شرف وكرامة وسمعته، وأنتو عارفين أن شغلنا كله قايم على سمعتنا”.

كما واصل :”أنا بعمل أغاني للبنات وللمجتمع بتاعي ولجمهوري وللناس اللي بتحبني، كل الناس اللي بتسمعني ناس محترمة وليهم كل التحية والتقدير ومينفعش أجيب سيرة أي واحدة في أي وحش، دا اللي أنا اتربيت عليه”.

أيضاً لفت شاكوش :”أنا من منطقة شعبية وراجل صعيدي، ومتكلمتش طول الفترة دي مش عشان خوف ولا ضعف، عشان الإنسانة دي كانت في يوم من الأيام مراتي، وكنت بقول لأهلي محدش يتكلم.. أنا طول الفترة اللي فاتت كنت في ضغط عصبي وكنت بنزل شغلي في عز الضغوطات”.