10 آلاف بالليلة.. فتاة تثير جدلا بسعر كبانا بالساحل.. وردود غاضبة وساخرة (ما القصة؟)

انتشر مقطع فيديو لا تتجاوز مدته الدقيقة، تظهر فيه فتاة عشرينية، تعلق على مقولة "الساحل الطيب والساحل الشرير"، وهي ما أطلقها البعض على الساحل الشمالي لما به من غلاء أسعار.

وجاء تعليق الفتاة كالآتي: "في نقط كدة بتضايقني لازم أعلق عليها، أنا بس مش فاهمة الناس اللي بتقول الساحل الشرير والمياه بـ 200 جنيه، والأسعار هنا غالية أوي، أنا بس عاوزة أوريكوا إن الكلام ده مش صح خالص، بصوا دي كبانة للي ميعرفش يعني ايه، هي أوضة اهي قصاد البحر ع طول ومستقلة وفيها جاكوزي خاص وشواية، ودي سعرها 10 الاف جنيه في الليلة الواحدة، يعني في ناس بتدفع الرقم ده وهما رايحين يتغدوا".

وأثار مقطع الفيديو غضب وسخرية الكثير من مستخدمي التواصل الاجتماعي، معلقين: "المبلغ ده ممكن نأكل بيهم منطقة بحالها"، ايه المنظرة والأفورة دي"، "حسبي الله ونعم الوكيل انتوا بتحبوا تستفزونا وخلاص"، "مادام فيه جاكوزي لازم ندفع طبعا"، "المبلغ ده مرتب 3 شهور والله".