رامز جلال ساخرا من غادة إبراهيم: هيفاء وهبي الغلابة

حلت الفنانة غادة إبراهيم ضيفة على حلقة اليوم من برنامج المقالب "رامز نيفر إند"، واستقبلها الفنان رامز جلال بمقدمة سخر فيها من شهرتها رغم قلة أعمالها.

وقال رامز: "ضيفتنا نجمة بلا أعمال، مش ممكن تفتكر لها فيلم أو مسلسل أو مسرحية، ولما تسأل إتشهرتي ليه يا ولية، تقول مش شايف الشياكة والتحابيش، لكن أنا شايف باروكة وحبة سليكون وشوية ورنيش".

وأضاف: "هو ده شعرك؟ أنا كنت فاكره ريش، ومش شايف في وسطك غير نيش، معانا نجمة كان نفسنا ماتجيش".

وواصل رامز سخريته بعد وصول غادة إبراهيم بقوله: "ياسمين صبري السبتية، وهيفاء وهبي الغلابة، ومارلين مونرو الجيارة، لابسة بنطلون زيبرا وداخلة علينا بحمار وحشي، ومالها منفخة كأنها فطرت سندوتشين بوتوكس، وعاملة فيها صغيرة على الحب بضفيرتين، وكتفها لوحده 2 طن، ولابسة خزان مية في رجلها مش جزمة".