تعرف على طريقة عمل العزيزية

المقادير:-
1 كيلو لبن مغلي
1 كوب لبن عليه 3 معالق نشا و2 معلقه كريم شانتيه كبار ونقلبهم في بعض كويس
ربع كيلو مكرونه اسباجتي مسلوقه بنسبة 75٪
1 كوب سكر
القشطه بتاع وش اللبن
نص كوب جوز هند

الطريقة:-
اولا هنضرب المكرونه مع نص كيلو لبن في الخلاط
ثانيا هنحط نص كيلو اللبن التاني علي النار ولما يسخن ننزل عليه بالنص الاولاني اللي عليه المكرونه ونقلبهم ف بعض لمدة دقيقتين ع النار وبعدين ننزل عليهم بالسكر ونقلب لحد ما يدوب وبعدين ننزل ب كوب اللبن اللي عليه النشا والكريم شانتيه ونقلب ع نار هاديه لحد ما القوام يتقل ويتظبط معانا وبعدين ننزل ب بالجوز هند ونقلب تقلبتين ونقفل النار
ثالثا نصب الخليط ده في صنية كبيره شويه مدهونه سمنه بحيث يكون سمك الخليط ميذدش عن 2 سم وبعدين ندهن الوش بالقشطه ونسيبها ترتاح 15 دقيقه وبعدين ندخلها الفرن علي الشبكه اللي في النص ونولع عليها الشوايه اللي فوق ( متولعيش تحت ابداااا ) ونسيبها لحد ما تاخد اللون الجميل بتاعها ونخرجها ونسيبها تبرد خالص وتدخل التلاجه ساعه وبس كده الف هنا وشفا.