تعرف علي طريقة عمل صنية بطاطس باللحمه المفرومه

هنجيب نص كيلو لحمه مفرومه ونعصجه مع بصلاية وقرن فلفل و فصين ثوم مفرومين ونتبلها ملح وفلفل اسود ولما تستوي نركنها ع جنب شويه

نجيب نص كيلو بطاطس نقشرها ونقطعها مكعبات ونسلقها ، وبعدين نهرسها كويس ولما تبرد ننزل عليها بمعلقة زبده وقطعتين جبنه مثلثات وربع كوباية حليب وملح وفلفل اسود ونخلطهم في بعض كويس ( اهم حاجه تكون متماسكه ومش سائله )
نجيب الصينيه أو البايركس وننزل فيه باللحمه المفرومه وناويسها وبعدين ننزل عليها ب جبنه موتزاريلاا ونساويها وبعدين ننزل عليهم بالبطاطس ونساويها كويس وبعدين نجيب ٣ بيضات وعليهم شويه حليب ونضربهم في بعض وبعدين ننزل بيهم علي وش الصينيه ( ممكن نستعمل جبنه موتزاريلاا بدل البيض ) وبعدين تدخل الفرن علي درجة حراره متوسطة لحد ما تاخد لون مناسب وبس كده الف هنا وشفااا علي قلوبكم من الشيف محمد نخلة.