حلا شيحة تهاجم تامر حسني بقوة .. التفاصيل

بعد نزول فيلم مش أنا ، بطولة تامر حسني ، ماجد الكدوانني و حلا شيحة ، الذي قام بضجة كبيرة في السنيما المصرية بناجحه الهائل في فترة قصيرة .

و لكن بعد نجاح الفيلم بفترة قصير ، قامت الصراعات بين تامر حسني و حلا شيحة ، بسبب أن تامر حسني قد أخلف وعده لحلا شيحة ، بعد أن وعدها بعدم تنزيل أي كليب من الكليبات على منصة اليوتيوب ، و لكنه خلف وعده ونزل كل الكليبات على منصة اليوتيوب على قناته الرسمية " Tamer Hosny " .

وتصرف تامر حسني أغضب حلا شيحة جداً و قامت بنشر بوست على منصة الإنستجرام و قالت فيه : انا اتفاجئت جدا ًبنزول كليب يجمع فيه مشاهد متفرقة من الفيلم و في ايام ذي الحجة ايام مباركة و خصوصاً بعد اخر بوست نزلته و وضحت فيه انا اية .

قد صرحت الفنانة حلا شيحة بنزول كليب بمشاهد متفرقة من فيلم مش أنا

و أضافت : و اتفاجئت اكتر خصوصا ًبعد وعد تامر حسني ليا وتأكيده انه حيحترم رغبتي و بعض الطلبات اللي طلبتها منه بكل احترام وود الصيف اللي فات و اكدلي انه حيحترم رغبتي ..
احنا يمكن نجحنا بمقايس الدنيا بس صدقوني بمقايس ربنا احنا لم و لن ننجح
انا عارفة و متاكدة ان زملائي جواهم خير بس للاسف فتنة الشهرة و النجاح مش بتخلينا نشوف ونقيس الامور صح ، بتكلم من قلبي الكليب ده ميرضيش ربنا و انا عيطت لاني شفت نفسي في المشاهد دي .. دي كانت زلة نتيجة ظروف مريت بيها و كلنا بنغلط و لازم نغلط علشان احنا بشر بس المصيبة اننا بنغفل و بننسى ..
انا مش حتكسف من حد انا تبت من المشاهد دي و هي لا تصح و انا غلطت و بصلح و اهم حاجة ان ربنا يرضى عني لان في الاخر ده اللي حينفعنا مش الشهرة و لا النجاح لا هو مش نجاح أصلا علشان النجاح الحقيقي حاجة تانية خالص احنا اغلبنا ناسينها الا القليلين منا .
الفن لو بيخلينا نبعد عن منهج ربنا و منبقاش قدوة لولادنا يبقي باطل و ميبقاش فن
احنا كلنا عندنا امتحان في الدنيا دي و حابة افكرك بالفيديو ده يا تامر اللي قولت فيه انا مش بتمنى أموت وأنا مطرب انا دايما خايف من كده.. كلام أكيد قولته في لحظة صدق جواك و جوانا كلنا .

و أضافت في النهاية : شوفه تاني يمكن يفكرك ان جواك اكيد في صراع و انا و كلنا
كلنا بنغلط بس المهم في الاخر نتدارك الغلط و نصلح .{إِلَّا مَن تَابَ وَءَامَنَ وَعَمِلَ عَمَلࣰا صَـٰلِحࣰا فَأُو۟لَـٰۤىِٕكَ یُبَدِّلُ ٱللَّهُ سَیِّـَٔاتِهِمۡ حَسَنَـٰتࣲۗ وَكَانَ ٱللَّهُ غَفُورࣰا رَّحِیمࣰا}.. الله على كلام الله وجماله يا سلام لو أصواتنا ومواهبنا كلها نستعملها في الخير عشان يبقى فن بجد.