اسهل الحلول واقلها تكلفة لمنع الإتجار بالأطفال في مصر

عارفين الاطفال بتتخطف للتبني ازاي

وعارفين بتسافر تتعرض للبيع سواء لغرض جنسي او بيع أعضاء ازاي ببساطه

راجع شهاده الميلاد اللي في الصوره دي شهاده ميلاد طفل مصري، مفيش فيها اي حاجه بتتكلم عن شكل الطفل مفيش اي رابط بين الشهاده و الطفل اللي اسمه مكتوب فيها .

يعني انا لو عندي طفل عمره 3 سنين ممكن اجيب اي طفل تاني عمره 3 سنين

و لو حد سألني ده مين اطلع شهادة ميلاد ابني و اقول ع الطفل اللي جبته ان هو اللي ابني.

يعني بمعني أصح ... المتسوله اللي خاطفه طفل بمجرد ما هتروح القسم هتقول انه ابنها

لو هي عندها أصلاً طفل هتطلع شهاده ميلاد طفلها الأصلي فهتخرج من القسم بالطفل

بمنتهي البساطه بطفل أصلاً مخطوف غير ابنها .

و أزيدك من الشعر بيت، ولو معندهاش اطفال ... هتقول ده ابن واحده صديقتها او اختها

او اي واحده تعرفها يكون عندها طفل في نفس العمر تقريبا

و تكلمها تيجي بشهادة ميلاده و هيخرجوا زي الشعره من العجين والكارثه،ان بعد ما حضرتك عرفت هذه الفاجعة .

نفس الخاطفين في وجود احد أفراد التنظيم يقدروا يعملوا باسبور للطفل بشهادة ميلاده و يخرجوا بيه برا البلد في ثواني .

لان الورق المطلوب هو شهادة ميلاد الطفل لإثبات نسبه للأب او للام .

وساعتها هيصور الطفل ده علي انه ابنه في مصلحه الجوازات

ويستخرج باسبور للطفل عليه صورته و يصبح هذا الطفل رسميا ابن شرعي لهذا الخاطف

و يقدر يخرج بيه برا البلد بمنتهي البساطه و يبيعه .

و هيرجع عادي .

لان مين هيسأله ابنك اللي سافر معاك فين .

و لما يرجع يقدر بعد سنه ولا اتنين يقول ان جواز سفر ابنه الأصلي ضاع و يستخرج جواز لابنه بصوره جديده و لو حد شك في الصوره .

هيقول ابني بِسْم الله ماشاء الله كبر و شكله اتغير يعني بالمختصر المتسوله تقدر تطلع للطفل المخطوف باسبور بصورته هو شخصيا

بمجرد انها تقدم شهاده ميلاد بتاعة ابنها هي بس المهم يكون نفس سنه تقريبا.

اعتقد حضرتك عرفت دلوقت العيال بتخرج إزاي بره مصر عشان تباع أعضاءها.

و تستخدم كقطع غيار لبشر آخرين.

عرفت ازاي ممكن واحده تخطف طفل و تطلعله شهاده ميلاد باسمها و اسم جوزها كأنه ساقط قيد.

المشكلة دي بسببها هنفقد اطفال كتير و لا أمل في رجوعها الي الأبد.

اسهل الحلول واقلها تكلفة لمنع الاتجار بالأطفال

اسهل الحلول واقلها تكلفة زي ما ما هو مطبق في العديد من الدول هو اضافة بصمة قدم الطفل لشهاده ميلاده وقت استخراجها وتسجيلها في قاعده بيانات. بحيث يسهل مطابقه بصمة قدم أي طفل يتم العثور عليه

او مطلوب استخراج جواز سفر له مع قاعدة البيانات للاستدلال علي هويته لو شايف الموضوع يستاهل تشيروا شيروا