حمو بيكا يرد على متابعيه: ”التعليم علمك انك مباح ليك الشتيمه في حد هو اقل منك في شئ”

رد المطرب الشعبي "حمو بيكا" على بعض متابعينه الذين هجموه بعد نشر بوست علي صفحته الشخصية يبارك فيه طلاب الثانوية العامة وقال له "على أخر الزمن هنسمع منك أنت" مما أغضب المطرب الشعبي بتفوه تلك العبارات والكلمات من متابعيه.

تعرض لهجوم من المتابعين وجاءت أبرز التعليقات :" علي آخر الزمن هنسمع منك انت , هاردلك ايه هما كانوا بيلعبوا _ماتنصحش تاني".

حمو بيكا يرد على متابعيه

ورد "حمو": بتقولو عني جاهل ومش متعلم .. مع ان دي حاجة انا عمري ما انكرتها ولا حتي خبيتها علي الناس.

وأضاف ومن يوم ما ربنا كرمني واتشهرت وبقي ليا جمهور.. بس هرجع واقولكم تاني انها حاجة مكنتش بايدي.

واستكمل "حمو" انت بقي يا "متعلم "

التعليم علمك انك تقعد تعاير الناس بعيوبها؟

التعليم علمك ان تفضل تتنمر علي خلق الله ؟

التعليم علمك انك مباح ليك الشتيمه في حد هو اقل منك في شئ؟

اكيد لا فمتجيش من ورا شاشه وكيبورد تعمل فيها عم الناصح

وانت اصلاً موركش حاجة تعملها !

انا متعلمتش ومنولتش الشرف الكبير ده

بس اتعلمت حاجات كتير في الدنيا انت متعلمتهاش لسه

اتعلمت احترم الكبير والصغير .. اتعلمت اشقي واتعب من صغري اتعلمت اني مغلطش في حد .. اتعلمت حاجات كتير جداً في حياتي انت عمرك مهتتعلمها طول ما انت باصص للناس ..!

فكر في كلامك كويس وكومنتاتك كويس قبل ما تكتبها

وقبل ما تقول انك متعلم افتكر انك في "تربيه وتعليم" يعني التربيه قبل التعليم .

وأنهي "حمو" كلامه :صباحكم فل.

كتب حمو بيكا "الف مليون مبروك لاخواتي وحبايبي.. اللي نجحو في الثانويه العامه وان شاء الله تحققو كل احلامكم، وهاردلك لكل اللي منجحوش قدامكم لسه بدل الفرصة الف فرصة تعوضو وتحققو كل اللي بتتمنوه".

تعرض لهجوم من المتابعين وجاءت أبرز التعليقات :" علي آخر الزمن هنسمع منك انت , هاردلك ايه هما كانوا بيلعبوا _ماتنصحش تاني".

كشف مؤدي المهرجانات حمو بيكا حقيقة شجاره مع نور التوت، عبر بث مباشر له على صفحته بموقع التواصل الاجتماعي Facebook.

وجدير بالذكر أن المطرب الشعبي "حمو بيكا" أثار الجدل في الأيام السابقة بعد أعلان شروط حفله الأخير في الساحل الشمالي بأنه حضور النساء فقط دون الرجال .