الجمعة 29 مارس 2024 01:39 مـ
مصر وناسها

    رئيس مجلس الإدارة محمد مجدي صالح

    غطاطي للإطارات
    فن وثقافة

    سمية الخشاب تهاجم زواج الصالونات.. والمتابعين بتجودي على الدين من بعيد لبعيد ولا إيه؟

    سمية الخشاب
    سمية الخشاب

    انتقدت الفنانة سمية'>

     
    الخشاب، ‏زواج الصالونات، عبر حسابها الشخصي على موقع «تويتر».

    وقالت سمية المفروض فتره الخطوبه متقلش عن سنه ونص علي الاقل وارحمونا بقي من الخطوبه وكتب الكتاب مع بعض بالمره عشان "عايزين نفرح" بالبت وعايزين نتطمن عالبت ونسترها، قوم ايه بقي ترجع البنت بعد شهرين تلاته متطلقه وتقعد فارابيزكم، ولو عمرت معاه هتتحمل الهم عشان خايفه من كلام الناس او عشان العيال.

    ورد عليها أحد متابعيها وكتب: تحيه ليكى على ذوقك العالى وأسلوبك الراقى ف الكلام تحيه لاجمال نساء العالم ف الاناقه والشياكه

    اقرأ أيضاً

    و كتب أخر : انتي تستاهلي جايزة نوبل في الصبر... يا صابر الصبر صبرنا علي الصبايا المتصابصبين

    ورد عليها متابع قائلا: بصي اللي انا اعرفه اللي بيتكلم في موضوع يكون ناجح فيه وجربه ونجح فيه.انت اتجوزت كام مره نجحت مع شخص لع.. تاني حاجة انتي متعرفيش حالة الناس بتجوز بناتها ليه وهتعيش كيف فمتحُكميش بفشلك في الموضوع ده تالت حاجة لو قعدت سنه او ٥ سنين عمر الواحد اللي بيضحك على بنات هتبان فيه العبر

    وقالت متابعه : مش معنى ان جوازها ما استمرش يبقى فاشل. في ناس تحب التغيير. انت فاكر الفنانات زينا؟ نقعد ٥٠ سنه على نفس الخلقه؟

    ورد الأخير : زمان الجوازات غالبيتها صالونات وكانت احسن جوازات و مفيش طلاق ، دلوقتي بقيت زى ما حضرتك بتقولى عارفه ليه ؟ علشان مفيش ذمه و نخوة زى زمان سواء الراجل او الست . مفيش حرمه بيت تتصان، بتكلم عن جزء فقط مش عموم الناس. لما تعملوا القدوة الحسنة فى أعمالكم، هتلاقوا ده اتحقق فى المجتمع

    وقالت الخشاب: «جواز الصالونات يعد أفشل نوع جواز.. مش عارفة ازاي ممكن واحدة تتجوز واحد مشافتهوش إلا كذا مرة؟».

    ورد عليها أحد متابعيها وكتب: ‏«أمال الخطوبة لزمتها إيه يا فنانة؟.. بتجودي على الدين من بعيد لبعيد ولا إيه؟«، فردت عليه وكتبت: «‏‎ليه هو كل الناس بتعمل فترة خطوبة؟.. انزل ادخل أي بيت تقليدي هتلاقي كتب كتاب وجواز على طول.. مش كل الناس بتعمل خطوبة أنا بتكلم على الأغلبية للأسف».

    وسأل شخص آخر سمية، وكتب لها: «آاه والله بس هسأل سوأل.. ازاي الحاج متولي كان بيحب 5 ستات؟»، وردت سمية: «‏طفاسة بعيد عنك.. أنا اعرف ناس بتحب 3 في نفس الوقت وبتكلم الـ3 في نفس الوقت، والـ3 مساكين مش عارفين حاجة».

    أبرز أعمال سمية الخشاب

    ومن بعد هذه الأعمال توالت مشاركة سمية الخشاب في كثير من الأعمال السينمائية والدرامية، فشاركت في «ريا وسكينة»، و«الريس عمر حرب»، و«خيانة مشروعة»، و«حين ميسرة»، و«الحقيقة والسراب»، و«يا أنا يا أنتي»، و«موسى».

    سمية الخشاب: رونالدو لاعب تقيل

    تعد سمية الخشاب واحدة من أكثر الفنانات تفاعلًا عبر حساباتها الرسمية على مواقع التواصل الاجتماعي، خاصة حسابها على «تويتر»، كما تتحدث معظم الوقت عن حبها للاعب العالمي كريستيانو رونالدو، وفي تصريح سابق لـ«الوطن» قالت إن كريستيانو «لاعب تقيل» ولا يمكن تكراره مرة أخرى، مهاجمة «سولشاير» مدرب فريق مانشستر يونايتد بسبب اضطهاده للاعبها المفضل في كثير من المباريات، وعدم تقديره لموهبته الكبيرة، على حد تعبيرها.

    آخر أعمال سمية الخشاب

    يُذكر أن آخر أعمال سمية الخشاب مشاركتها في مسلسل «موسى» الذي عُرض ضمن السباق الرمضاني الماضي 2020، بجوار كل من محمد رمضان، ورياض الخولي، وعبير صبري، وسيد رجب، وتارا عماد، وصبري فواز، وهبة مجدي، وغيرهم من الفنانين، والعمل من تأليف ناصر عبدالرحمن ومن إخراج محمد سلامة.

    كان آخر أعمال الفنانة سمية الخشاب أغنية «أوعدك» مع المطرب عمر كمال، وتعد الأغنية هي التعاون الأول بين عمر كمال وسمية الخشاب، وبوابة دخول سمية لعالم أغاني المهرجانات الشعبية.

    سميه الخشاب زواج الصالونات زواج فترة الخطوبة سمية الخشاب وأحمد سعد اعمال سمية الخشاب اوعدك سمية الخشاب