ريهام سعيد لـ هاني شاكر «جه اليوم الي بتتقارن فيه بكسبره حقك علي راسنا»

دعمت الإعلامية ريهام سعيد الفنان هاني شاكر عبر موقع التواصل الإجتماعي "فيسبوك".

وكتبت "ريهام سعيد" انا آسفه ان جه اليوم الي بتتقارن فيه بكسبره حقك علي راسنا امير الغناء العربي اوعي تزعل انت اكبر من كده بكتير و اوعي تعاتب جهله.

وأستكملت "سعيد" مش فاهمين ان لو الاعلام و الغنا و التمثيل اتساب من غير رقابه ده هايبوظ الذوق العام اتمنع ليه فيلم انجلينا جولي ، اتمنع عشان اولادنا و مستقبلهم عشان قيمنا و دينا . علي فكره كنت اول واحده بدافع عنهم في بداياتهم موزه و شاكوش و غيرهم بس الي حصل بعد كده كان مخجل حتي في ناس من الي متسابين يغنوا بقوا بيقدموا اسفاف ووجود الراقصه الي مالهاش دعوه بالفن خالص بلبسها العجيب بقي حاجه ثابته في الكليبات .

وأضافت استاذ هاني شاكر شكرا انك بتحافظ علي الفن المصري الي كان فيه ام كلثوم وعبد الحليم حافظ كان في شكوكو بس كان مونولوجست مابيقولش علي نفسه مطرب ولا بيقول كلام خارج .

وأشارت "سعيد" لو مؤمنين ان في حريه مطلقه يبقي وافقوا علي انتشار المخدرات و الافلام الاباحيه و غيرها و قولوا كل واحد حر يختار الطريق الي يناسبه.

وكان هاني شاكر، نقيب المهن الموسيقية، قد أصدر قرارات بمنع عدد كبير من مطربي المهرجانات بقرار جماعي من مجلس النقابة، حسبما أكد منصور هندي، رئيس لجنة العمل بالنقابة.

وتضم الأسماء الممنوعة «حمو بيكا، حسن شاكوش وتقرر إلغاء التصريح السنوي له، كزبرة وحنجرة، مصطفى زكريا محمد على (الشهير بمسلم)، أبوليلة، أحمد قاسم الشهير بفيلو، أحمد موزة، حمو طيخا، ريشة كوستا، سمارة، شواحة، ولاد سليم، العصابة، الزعيم، علاء فيفتي، فرقة الكعب العالي، مجدي شطة، وزة مطرية، شكل، عمرو حاحا».