«ريهام» من الشارع إلي جامعة عين شمس.. بعد رفض والدها استلمها

في شهر سبتمبر الماضي، ضجت وسائل التواصل الاجتماعي بقصة شابة اسمها «ريهام»، من محافظة الأقصر، تعيش حياة بائسة في شوارع الغردقة بلا مسكن ولا أهل، حتى استجابت مؤسة «معانا لإنقاذ إنسان» لقضيتها وقررت مساعدتها.

وقالت دعاء نايل، مسؤولة الإعلام في مؤسسة «معانا لإنقاذ إنسان»: «لما اتبلغنا بحالة ريهام من كام شهر تمت الاستجابه والمتابعة للتنسيق لنقلها لينا في مقر المؤسسة بالقاهرة، لكن للأسف وقتها البنت رفضت تماما وطلبت إنها ترجع الغردقة، وبعد أيام وصلنا أخبار إن تم الوصول لوالدها لاستلامها لكنه رفض وقال إنها بتهرب كتير».

وبعدها استجابت صاحبة الـ24 عاما إلى الانتقال للقاهرة، لتلقى الرعاية كاملة، حتى تستقر حالتها الصحية والنفسية، وعلى مدار أكثر من 3 أشهر، ظلت تعافر حتى انتشلت نفسها وصنعت حياة طبيعية، وقررت أن تعود لدراستها في جامعة عين شمس.

رحلة ريهام من الشارع إلى جامعة عين شمس لم تكن سهلة على الإطلاق، إنما تطلبت جهدا كبيرا من الجانب النفسي لتصل إلى بر الأمان، بصرف النظر عن احتياجات الأكل والشرب والملابس والمأوى أو ما شابه.

لم تنتهه رحلة «ريهام» عند مدرج كلية التجارة بجامعة عين شمس، بل لا تزال تحتاج إلى دعم وإرادة ومجهود يضاهي ما بذلته سابقا لتصنع لنفسها حياة طبيعية من جديد، بعد أن تخلى عنها أهلها وقست عليها الشوارع.

ونشرت مؤسسة «معانا لإنقاذ إنسان»على صفحتها الرسمية "فيسبوك" طبعاً فاكرين ريهام المعروفه بفتاة الغردقة وقد ايه حالتها كانت سيئة جداً.

الفرق بين الصور واضح لكن الاحداث اللى بتدور داخل المؤسسه علشان نوصل بالحاله للمرحلة دي تفاصيل كتير وصعبه جدا بنمر بيها مع الحالات لكن معانا مفيش يأس ولا استسلام نهائي .

بنسعى بكل جهد وطاقه علشان نحقق حلم وهدف اننا نوصلهم لبر الأمان .

صدقونا الحكايه أكبر من الأكل والشرب والمأوى دي عودة إنسان للحياة من جديد محتاجه صبر وقوه و أراده ومجهود جبار … الانقاذ مش انك تاخد حاله من الشارع تدخلها دار ايواء !!

الإنقاذ الحقيقي هو ده حاله ريهام وغيرها آلاف من الحالات اللى تم التعامل معاهم بيوضحوا يعنى ايه "معانا لإنقاذ إنسان"

فرحتنا بـ ريهام النهارده وهى فـ الجامعه فرحة كبيرة ربنا يقدرنا واياكم جميعاً ونكون لها العوض والسند ..

لكن لسه محتاجين دعمكم وتعاونكم ريهام نموذج من حالات كتير معانا علي قائمه الانتظار بنجهز فرع جديد للسيدات محتاجين دعمكم المبنى محتاج شغل كتير جدا…احنا بدأنا الحلم ومش هنتخلى عن هدفنا مصر خالية من المشردين