«بيدخل الحمام كل شويه» انتحار موظف بالتجمع الخامس..خصم 4 أيام من راتبه

في واقعة مأساوية.. انتحر موظف شركة من الطابق الثالث بأيدي الشركات.

تباشر النيابة العامة التحقيق في واقعة انتحار موظف ألقى نفسه من الطابق الثالث، بإحدي الشركات الخاصة، إثر خلاف بينه وبين مديره.

وتلقت الأجهزة الأمنية بمديرية أمن القاهرة، إخطارًا من قسم شرطة التجمع الخامس، بورود بلاغ من الأهالي يفيد بسقوط موظف من الطابق الثالث بالشركة التي يعمل بها، بالانتقال وبالفحص تبين أن الموظف "ن.ع"، انتحر إثر خلاف وقع بينه وبين مديره المباشر، قام على إثره بالتوجه ناحية الشباك الموجود بأحد المكاتب وألقى نفسه من الطابق الثالث ليسقط جثة هامدة، قبل أن تستطع الأجهزة الطبية إنقاذه.على الفور تم إخطار النيابة التي انتقلت إلى محل الواقعة، وصرحت بدفن جثة المتوفى بعد مناظرة جثته من قبل الطب الشرعي.

تفاصيل انتحار الموظف نور الدين .

نور تم استدعاؤه الاسبوع الماضي من طرف مديره المدعو / محمد سامح عبدالكريم ، وابلاغه بخصم اربع ايام من مرتبه ، لانه بيدخل الحمام كتير ، وده لظروف نور الصحيه .

واتكلم مع نور بطريقة مهينة جدا ، وكان في تعمد لاجبار نور علي الاستقاله من طرف مستر محمد.

وللاسف نور كان مضطر يستحمل يقعد الفتره دي ، لانه هيقبض البونص بتاعه في شهر فبراير اللي جاي .

لكن محمد باشا صمم يرفد نور قبل ما السنه تقفل ، ويحرمه من البونص .

نور كان عامل حسابه علي المبلغ ده في سداد ديون عليه كتير .

وده اللي حصل بينهم ، وتم ابلاغ نور بقرار الرفد ( اللي انا متاكد انه هيختفي من الورق دلوقتي علشان سمعة الشركه ).

نور ماستحملش ونفسيته كانت منهاره ، ومش قادر يواجه مراته واطفاله ، واسودت الدنيا في عنيه ،وقرر ينتحر بانه رمي نفسه من الدور التالت في الشركه ومات.

دي التفاصيل اللي موظفين الشركه خايفين يتكلموا فيها او ينشروها .

الاستاذ محمد سامح عبد الكريم ، حضرتك كنت السبب المباشر في انتحار نور ، انا لسه معرفش عنك حاجه، بس بوعد حضرتك ، ان صورتك هتكون منوره في كل صفحات مصر بعد ساعات.