طريقة عمل لحم بارده (عرق تريبيانكو) سهله وسريعة

اللحمة الباردة ( عرق التربيانكو )
المقادير
عرق تربيانكو
زيت ذرة
ثوم بودر
بصل بودر
حبهان بودر
بهارات لحمة
ثوم صحيح
بابريكا
ملح
فلفل اسمر
زنجبيل بودر
2 معلقة للزبدة
للزيادة
مستردة
صويا صوص

الطريقة:
نربط العرق ونعمل فيه فتحات بالسكينة ونضع فيها الثوم الصحيح في كل فتحة عملناها
ونعمل تتبيلة وندهن العرق بالتتبيلة كويس من جميع النواحي ونضعه في الثلاجة بعد تغلفيه بكيس بلاستيك او استريش من بالليل للصبح و ممكن بعد ساعتين علي الاقل وبعدين نطلعه من الثلاجة ونضع معلقتين زبدة في صينية لما تسخن
نضع العرق ونعمله تشوك من جميع النواحي
ونضعه في صينية فرن فيها بوكيه جارنيه ( جزر وبصل ورق لورا وثوم مفروم ملح فلفل اسمر وزيت او زبدة ) في نفس الصينية اللي أخذت فيها التشوك وتضعي العرق عليهم مع كوبين من الماء المغلي وتغطيه بورق الفويل وندخلها الفرن علي نار متوسطة 180 درجة بياخذ وقت طويل حوالي ساعة وتصف او ساعتين نخلي بالنا كل فترة نشوفه لو محتاج ماء تضعي نص كوب ماء مغلي ولما يستوي تشيلي الفويل لياخذ جراتان ونطلعه يبرد ونقطعه شرائح رفيعة وتعملي صوص كريمة وتقديمه مع الرز الابيض

وممكن تضعي معاه خضار زي
البروكلي والجزر والكوسة وتضعي العرق عليهم وتسويهم مع بعض
وتعملي صوص من الخضار
بناخد الخضار بالسائل من الصينيه
ونضعه في الخلاط ونضربه كويس ونصفيه ونجيب طاسه نضع فيها معلقتين زبده ومعلقتين دقيق ونحمره شويه بسيطه ونحط عليهم صوص الخضار المصفى مع الملح والفلفل الاسمر ونقدمه مع شرائح العرق

“فينوس في المطبخ “