الباتيه والكرواسون “هش مورق“

الباتيه و الكرواسون..
المكونات..

3 معالق كبار لبن بودره
3 معالق كبار سكر
معلقه كبيره خميره فوريه
ربع معلقه صغيره محسن خبز "ان وجد"
رشه ملح
ربع كوب زيت
كوب ونص ماء دافي
3ونص ل 4 كوب دقيق حسب ما تلم العجينه.

الخطوات..

ف طبق للعجن ننزل بكل المقادير عدا الدقيق نقلب المقادير كويس اوي اوي بمضرب سلك لحد ما السكر و الخميره يدوبوا ننزل بالدقيق بالتدريج لحد ما تلم معانا وتكون عجينه طريه وناعمه ومش بتلزق او تكون بلزق خفيف.

نغطيها ونسيبها ترتاح لحد ما تضاعف نقسمها 3 كور و ناخد كل كوره نفردها ع شكل دايره كبيره و نقطعها زي البيتزا مثلثات
... بالسكينه
نعمل فتحة بسيطه عند قاعده كل مثلث عشان تساعد ان الحشو يتوزع كويس ع كل قطعه الكرواسون ونحط الحشو ال نحبه
(جبن أو نوتيلا أو مربى...... ونلف رول ونرص ف صينيه مدهونه زيت خفيف.

بعد ما نخلص كل الكميه نسيبها ترتاح لما تضاعف حوالي نص ساعه... نسخن الفرن ع أعلى درجة حراره... اكون جهزت ربع كوب ميه مدوبه فيه معلقه عسل اسود و ندهن الكرواسون بخفه وبهدوء بفرشه عشان نحافظ ع تخميره
أو ميه بنسكافيه
.. ونرش سمسم او حبه البركة او ساده
و يدخل الفرن عشر دقايق الرف الوسط... ونولع الشوايه يتحمر... مدة الخبز لا تزيد عن ربع ساعه عشان يفضل طري وخفيف مينشفش.

مجرد ما نخرج الصواني م الفرن نرش ميه ببخاخة مخصصه للمطبخ ونغطي بفوطة مطبخ نضيفه عشان الوش يبقى طري جدااا زي مخبوزات الافران
دقيقتين و ننقله مصفاه جيده التهويه عشان ميعرقش من القاعده و يعمل بخار ميه م السخونه ويطري...

“فينوس في المطبخ “