الجمعة 21 يونيو 2024 05:49 مـ
مصر وناسها

    رئيس مجلس الإدارة محمد مجدي صالح

    غطاطي للإطارات
    حوادث

    ماعندوش نخوة ..زوجه تطلب الخلع من زوجها بسبب الغيرة

    أرشيفيه
    أرشيفيه

    مريم زوجة ثلاثينية وقفت أمام محكمة الأسرة في مصر الجديدة طالبة الخلع من زوجها، بعدما قررت بأنه لا يغار عليها ويطلب منها دائما لبس ملابس فاضحة وشفافة وضيقة، حتى شعرت بأنه لا نخوة لديه أو غيرة عليها، حيث طلب منها أكثر من مرة ارتداء المايوه القطعتين في المصايف وبعد مرور عامين على الزواج طلبت الإنفصال عنها وحينما رفض لجأت للمحكمة.

    زوجة تطلب الخلع من زوجها بسبب الغيرة

    قالت مريم عن مأساتها مع زوجها «أنا مش مكسوفة على فكرة من أني جيت محكمة الأسرة، هو اللي مفروض يتكسف على دمه من اللي بيعمله ده، معندوش نخوة خالص، وعايزني ألبس عريان شفاف وضيق عادي، ويقولي ليه مش بتلبسي كدة، أقوله أنت مش بتغير عليا يقولي اغير عليكي في حاجات تانية مش في اللبس إنما شكلك وهيئتك مهمين عندي جدا».

    وقالت مريم «أنا عندي 34 سنة وممكن الناس تقول إني لسه صغيرة وفيها إيه لما ألبس شفاف وضيق، بس أنا لبسي شيك جدا ومن بيت ملتزم ومكنتش بلبس ضيق ولا الهدوم دي خالص، وأنا عندي 31 سنة علاء أتقدم لوالدي عشان يخطبني وأهلي وافقوا ومكنش بيعترض على حاجة ساعتها ولا إنتي تخرجي ولا بتدخلي ولا لابسة إيه ولا أي إعتراضات».

    وتابعت مريم «اتجوزنا بعد 11 شهر، بعد ما جهزنا الشقة خلصنا كل حاجة، وفي شهر العسل بدأت مشكلتي معاه، قبل ما نسافر لقيته بيشوف الهدوم اللي بحطها في شنطة السفر وقالي أمال فين المايوهات والحاجات بتاعت البنات العرايس دي، قولتله أهو البوركيني قالي إيه ده شكله وحش، هاتي التاني المايوه القطعتين وقالي لما نروح هناك اشتريها، قولتله بس أنا مش هلبس كده واتخانقنا ساعتها».

    وأضافت مريم في شكواها ضد زوجها «سافرنا وكانت أيام سوداء في شهر العسل وخناقات وهو مصمم وأنا مصممة إني ملبسش الكلام ده، ولما رجعنا بدأ يقولي هدومك دي مش نافعة وننزل واشتريلك عادي، ونزلت معاه لقيت كل اللي عايزة قصير وضيق وشفاف، وأنا كنت برفض لحد ما قالي طيب هاتيهم البسيهم في البيت حتى، ووافقت وبقيت البس الهدوم دي في البيت، وكنت أطلع البلكونة يقولي مفيش حد قدمنا ما تطلعي عادى إيه المشكلة يعني في لبسك وشعرك».

    واختتمت مريم قائلة «حاولت كتير معاه لمدة سنتين وعرفت أهلي وأهله وهو بردو نفس الكلام معايا، وفي الأخر زهقت منه قعدت معاه قولت له ننفصل أحسن في هدوء وبلاش شوشرة، قالي معنديش طلاق واضربي دماغك في حيطة، روحت محكمة الأسرة في مصر الجديدة رفعت عليه قضية خلع».

    محكمه الأسرة خلغ نخوة غيرة زوج زوجه شهر العسل قضيه مصر الجديدة