الخميس 28 أكتوبر 2021 07:07 مـ
مصر وناسها
  • مصر وناسها

رئيس مجلس الإدارة محمد مجدي صالح

غطاطي للإطارات
حوادث

معلومات قانونية تهمك.. تعرف عليها

مصر وناسها

في حالة تم القبض عليك وتوجيه اتهامات لك وقتها تعمل إيه وتتصرف إزاي ؟!

عليك بالآتي :

١ - التزم الصمت ، وتجنب الدردشة الشفوية حول موضوع اتهامك قبل البدء في التحقيق المكتوب.

٢- عند التحقيق معك بشكل رسمي عليك بالإجابات المقتضبة مثل (مش عارف - ماحصلش- مش فاكر)

٣- انتبه من تغيير طريقة السؤال، فمهما تغيرت صيغة السؤال لتكن إجابتك واحدة وثابتة.

٤- عند فض الأحراز (المضبوطات) ومواجهتك بها انكر أي علاقة لك بها.

٥ - النيابة مسؤولة عن اتهامك والتحقيق معاك وهي محايده تماما، بمعنى أن المحقق لا معك ولاضدك.

٦- المحامى ليس له أي دور إلى أن ينتهي التحقيق، ويقتصر دوره على مراقبة التحقيق وابداء الدفوع والطلبات في نهاية التحقيق، لكن انتبه فمحاميك يحدد طريقة دفاعه طبقا لما تبديه أنت بالتحقيقات.

٧- لو أثناء تفتيشك أو تفتيش منزلك تم أخذ أي شئ وملقتهوش في النيابة أذكره في أقوالك واتهم القائم بالتفتيش مباشرة بسرقته ولاتخف.

٨- لو تم التعدى عليك بالضرب أو السب أذكر ذلك أمام النيابة، ولو فيك إصابات اطلب عرضك على الطب الشرعي، وعموما هذا دور محاميك بعد التحقيق وإن كان من حقك طلب ذلك بنفسك.

٩- المواعيد مهمة جدآ... فمن حق الجهة اللي قبضت عليك تحتفظ بيك أقل من(٢٤)ساعة قبل عرضك على النيابة فتذكر توقيت القبض عليك؛ فإن زاد عن ال(٢٤)ساعة فالقبض باطل ومابني عليه بالكلية باطل؛ فتذكر المواعيد جيدا.

١٠- دايما أول سؤال بيبقى معاك محامي، هنا تجاوب بنعم وتذكر اسمه الثلاثي وتتمسك بحضوره وترفض حضور أي محامي تاني تندبه لك النيابة ولاتقلق النيابة ملزمة تحضر لك محاميك، ولو اصروا على انتداب محامي أرفض الاجابة على اسئلتهم وهذا حقك، كذلك الحال إذا تم ادارة التحقيق معك دون حضور محامي فمن حقك رفض الاجابة على أسئلتهم حتى حضور محاميك.

١١- السؤال الثاني بيكون هل معاك شهود نفى لو فيه شهود على واقعتك أو على القبض عليك وأنت متاكد انهم هيشهدوا معك أذكر اسمائهم، ولو مش متأكد قول كان فيه ناس كتير موجودة انما متقولش لا إلا لو فعلا مكنش فيه شهود.

١٢- إذا سؤلت عن الضابط فلان هل تعرفه، لو تعرفه قول آه والسؤال اللى بعده هيكون هل فيه بينك وبينه خلافات لو فيه قول ايوه متخافش لو قلت لا هيكون فيه سؤال بيقول ما تفسيرك لما سطره الضابط فلان في محضره (يعنى بيقول عليك كدا ليه) هنا تجاوب بأنه أكيد مطلوب منه عدد قضايا علشان كدا لفقلي الإتهام دا عشان يعمل أكبر عدد قضايا ممكن.

١٣- انتبه فلا يجوز تحليف المتهم، ولا ترهيبه، ولا ترغيبه، يعنى لو المحقق قالك طب تحلف قوله مينفعش تحلفني، ولو قالك رد بدل ما هحبسك، قوله مينفعش تهددني، ولو قالك قول وأنا أروحك غالبا بيضحك عليك.

١٤- من حقك تتابع كل اللى بيتكتب في التحقيق على لسانك ، أو تقراءه في النهاية قبل ما توقع عليه ، ولو مكتوب كلام غير اللى أنت قولته اتمسك بتغييره أو امتنع عن التوقيع .

هايبر وان من الجاردن الي بيتك
قانون الحبس قوانين القبض حقوق المتهم أقسام الشرطة مصروناسها