تعرف علي طريقة عمل براونيز كيك

المقادير :
كوب ونصف دقيق ابيض منخول
كوب كاكاو نسكويك
كوب سكر ابيض
كوب زبدة سايلة
٢ كيس فانيليا
رشة ملح
معلقة نسكافيه
٣ بيضات بدرجة حرارة الغرفة
بسكوت اوريو للوش

الطريقة :
في بولة نحط السكر والزبدة نضربهم لمدة دقيقة بالمضرب اليدوي مش محتاجة مضرب كهربائي وبعد كدة نحط البيض والفانيليا ومعلقة النسكافيه ورشة الملح نضربهم ضربة خفيفة ونحط والكاكاو ونخلطهم كويس اوي وبعد كدة نحط الدقيق ونقلب كويس اوي لحد ما يختلطوا كويس مع بعض ولازم يكون الخليط تقيل ونجيب بايركس او صينية ونحط ورق زبدة ونحط الخليط ونوزع قطع بسكوت الاوريو علي الوش وندخلها الفرن علي درجة حرارة ٢٠٠ ونعمل الفرن تحت لمدة ثلث ساعة بس ونطلعها ولما بندخل فيها السكينة تطلع فيها حتت كيك تبقي كدة جاهزة مش زي الكيك العادي لازم تكون السكينة نضيفة وبعد ما نتطلعها تبرد ونقطعهاوبالهنا والشفا..