تعرف على طريقة عمل كيك فانيليا وشوكليت

المقادير:
٢ كوب دقيق ونصف منخول
كوب حليب
كوب وربع سكر
نصف كوب زبدة سايلة
٤ بيضات
٢ كيس فانيليا
معلقة صغيرة بيكنج بودر
معلقة صغيرة بيكنج صودا
رشة ملح
٣ معالق كبار كاكاو

الطريقة:
في الخلاط نحط البيض والسكر والفانيليا واللبن والزبدة ونضربهم لمدة دقيقتين وبعد كدة نحط الخليط علي الدقيق ولازم نكون قلبنا الدقيق مع البيكنج بودر والبيكنج صودا كويس ورشة الملح ونحط الخليط اللي ضربناه في الخلاط ونسيب جزء صغير منوا حوالي ربع كوب ونقلب كويس جدا لحد ما الدقيق يختلط كويس بالمكونات وناخد جزء من خليط الكيك نحط عليه ٣ معالق الكاكاو ونخلط كويس لو حسيتي انوا تقل اوي هتحطي عليه ربع كوب الخليط اللي سبناه في الخلاط ونجيب قالب الكيك ونكون دهنينوا كويس ونحط فيه جزء من خليط الفانيليا وعليه جزء من خليط الكاكاو وعليه جزء من خليط الفانليا ولازم يكون الخليط تقيل مش خفيف ونجيب سكينة ونعمل اي شكل عشوائي ندخل الخليطين في بعض وندخلها الفرن علي درجة حرارة ١٨٠ ونعمل الفرن من تحت بس لحد ما تستوي وبعد كدة نعمل الفرن فوق وتحت تحمر ونطلعها وبالهنا والشفا..