تعرف على طريقة عمل بروفيترول كراميل

مقادير عجينة الشو:
كوب دقيق
كوب ماء
١٠٠ جرام زبدة نصف كوب زبدة طرية
٤ بيضات
رشة ملح
وفانيليا ٢ كيس

الكريم باتسيير :
٢ بيضة
نصف لتر حليب
نصف كوب سكر
ربع كوب نشا
٢ كيس فانيليا

مقادير صوص الكراميل:
كوب سكر ناعم ابيض
نصف كوب زبدة
نصف كوب حليب مكثف محلي

طريقة عجينة الشو :
علي النار نحط كوب المياه والزبدة تسيح الزبدة وننزل الدقيق معاه رشة الملح لحد ما يستوي والعجينة تلم تبقي كتلة واحدة ونرفعها من علي النار ولازم تبرد شويا وننزل بالبيض بالبيضة يدوي أو بالمضرب او بالعجانة وبعد البيض نحط الفانليا لحد ما البيض يختلط كويس جدا وكدة تبقي العجينة خلصت نحطها في كيس حلواني ونشكلها وندخلها الفرن علي درجة حرارة ١٨٠ لحد ما تاخد لون ذهبي.
لما بتجي تحشي البروفيترول يا بتفتحيه فتحة صغيرة من الجنب بالسكينة وتحطي الكريم باتيسيير بمعلقة صغيرة
يا بتحطي الكريم باتيسيير في كيس حلواني وبتجيبي واخدة واحدة من تحت وتدخلي التيب وتضغطي وتحشيها..

الحشوة الكريم باتيسيير او الكاسترد:
علي النار بنحط نصف كمية اللبن تدفي وفي بولة برة نحط باقي اللبن مع البيض والنشا والسكر والفانيليا نقلبهم كويس اوي وناخد كبشة من اللبن علي النار نحطها عليهم وبعد كدة نحطهم كلهم علي النار ونعلي ونفضل نقلب لحد ما يتقل وكدة خلصت الحشوي

صوص الكراميل:
نحط السكر علي النار ونسيبوا منقلبهوش نحرك بس الطاسة اللي بنعمل فيها لحد ما يسيح السكر وياخد لون دهبي غامق حلو وننزل مكعبات الزبدة قطعة قطعة لحد ما تسيح ونحط الحليب المكثف المحلي ونفضل نقلب حتي لو حسيتي انوا فصل عن بعضوا قلبي كويس لحد ما يمتزجوا وتلاقيه تقل ارفعي من علي النار يهدي خالص وابتدي زيني بيه.