الجمعة 21 يونيو 2024 05:47 مـ
مصر وناسها

    رئيس مجلس الإدارة محمد مجدي صالح

    غطاطي للإطارات
    حوادث

    التعليق الأول من عصام صاصا بعد الحادث

    عصام صاصا
    عصام صاصا

    يبدو أن الفترة الماضية عاني مؤدي المهرجانات عصام صاصا قلة أعماله الفنية واحيائه للحفلات بسبب الحادث الذى تسبب فيه أعلى الطريق الدائرى، وهو ما دفعه لمحاولة ايضاح موقفه من الحادث من أجل عودته الى الساحة وهو ما أوضحه فى منشور له على صفحته الشخصية بموقع التواصل الاجتماعي فيس بوك.

    وكتب صاصا على صفحته: بسم الله الرحمن الرحيم ربنا وحده يعلم انا بكتب الكلام دا وانا عامل ازاى و فيا ايه .. انا بقالي اكتر من شهر قاعد من غير شغل ومعنديش اي حاجه اعملها غير اني قاعد وما باليد حيله و مستني قضاء ربنا سبحانه وتعالي و محدش هيفهم او هيحس بالموضوع غيرى .

    وتابع: و انا مطلعتش اتكلمت وعدت وزدت في الموضوع كتير ومحدش شافني حته بفيديو قولت اي كلمة خالص لكن انا عندي شغلي و عندي عقود والتزامات لما اعملها واخلصها يا اما هدخل في قصه تانيه انا مش قدها و شرط جزائي .. انا هنزل شغلي و هشتغل لاني مش ب ايدي اي حاجه غير اني اعمل كده انا عندي امي و عندي اخويا و عندي مراتي وابني وفرقه فيها اكتر من ٣٥ شخص في رقبتي انا شاب لسه ببدأ حياتي ولسه بقول يارب.

    وأضاف: مصاريف البيت و الاقساط و الحاجات دي كلها اللي انتو متعرفوش عنها حاجه مين اللي هيدفعها انا طالع اتكلم لان ما باليد حيله غير انكم لازم تفهموا ان كل اللي بتسمعوا مش صح الفلوس و القصور والعربيات كل ده مش صح و حال الناس اللي شاغلين معايا كل دول حالهم واقف بسببي انا كل دول ليهم بيوت وعيال ودنيا تانيه خالص.


    وتابع: انا عارف ومتأكد ان ربنا مش هيورينا الشر و مش هيوريني اي حاجه وحشه ده ابتلاء من عند ربنا سبحانه وتعالي و انا راضي ب كل حاجه و مش هقول غير الحمدلله علي كل شئ والحمدلله و اللي ربنا كاتبهولي هشوفوا .. سوا خير او شر محتاج من كل الناس اللي بتحبني تدعيلي من قلبها بجد انا عمري ما كنت شخص مؤذي و عمري ما كنت شخص وحش مع حد .. ربنا كبير .. وحشتوني اوي يا احلي جمهور في الدنيا عصام صاصا.

    عصام صاصا حادث مطرب المهرجانات التواصل الإجتماعى حفالات فلوس