«دلوقتي الشغل بيدور عليا».. محمد رمضان يرد على تصريحات انتصار عنه

حرص الفنان محمد رمضان على الرد على الفنانة انتصار بعد تصريحاتها الجريئة التي أدلت بها خلال استضافتها مؤخرًا ببرنامج "العرافة" الذي تقدمه الإعلامية بسمة وهبة عبر شاشة قناة المحور الفضائية.

وقالت انتصار في حوارها التلفزيوني الأخير: "محمد رمضان بمثل له حاجة مهمة وهو يمثل لي ذكرى مهمة.. كان فيه موقف حصل بيني وبينه وكان لسه مش معروف وصغير شوية عن كده كان بيمشي مع صاحب شبهه أوي عند مسرح البالون.. دخلوا المسرح ووقتها كنت واقفة مع الفنان الراحل إبراهيم نصر والمخرج الراحل محسن إبراهيم".

وأضافت: "وكان عندنا بروفة مسرحية وأنا الوحيدة اللي انتبهت لمحمد رمضان.. سألته جاي هنا ليه قالي إحنا بنلف في المسارح وبندور على شغل وقولتله احنا بنعمل بروفات وممكن المخرج يزعق أما يشوفكوا.. محمد رمضان قال عايزين نوري المخرج محسن حلمي إننا بنعرف نمثل وساعتها استأذنته هو وإبراهيم نصر ووافقوا وفعلا طلعوا على المسرح".

وكتب محمد رمضان عبر صفحته الرسمية بموقع التواصل الاجتماعي "فيسبوك": "كنت بدور على شغل يا انتصار.. ودلوقتي الشغل بيدور عليا".